Baku TV bir müddət əvvəl Xırdalan şəhəri, Seyid Əzim Şirvani küçəsində fəaliyyət göstərən daş emalı sexi ilə bağlı çəkiliş etmişdi.

Sakinlər sexdən ətrafa yayılan tozdan və xırda daş qırıntılarından şikayətlənirdilər. Onların sözlərinə görə, problem illərdir davam edir. Toz yaşayış evlərinə və həyətlərinə dolur, avtomobillərə də zərər dəyir.

Çəkilişdən sonra məsələ ilə bağlı Ekologiya və Təbii Sərvətlər Nazirliyinin əməkdaşları ərazidə yoxlama aparıblar.

Yoxlama zamanı daş emalı sexinin fəaliyyəti nəticəsində havaya buraxılan tozla bağlı ölçmələr həyata keçirilib. Nəticədə atmosfer havasına atılan tozun müəyyən edilmiş normadan artıq olduğu müəyyənləşdirilib. Aşkar olunan pozuntu ilə bağlı müəssisə barəsində akt tərtib olunub.

"Sexin mülkiyyətçisi Nabat Cəfərovanın vəzifəli şəxs qismində 2 500 manat məbləğində cərimə olunması ilə bağlı hazırda qanunamüvafiq tədbirlər görülür. Eyni zamanda, ərazidə ekoloji vəziyyətin yaxşılaşdırılması, sakinlərin narahatlığının aradan qaldırılması məqsədilə mülkiyyətçiyə icrası məcburi olan ekoloji tələb verilib", - deyə 4 saylı Regional Ekologiya və Təbii Sərvətlər İdarəsinin rəisi Asif Məcidov bildirib.

Oxşar xəbərlər

Bakıda avtomobil təmiri sexinin fəaliyyəti dayandırılıb

Ağsu dolaylarındakı son durum: Sürüşmə riskini azaltmaq üçün tədbirlər görülür

Xırdalanda 2 min ev quşunun qanunsuz kəsildiyi sexin fəaliyyəti məhdudlaşdırılıb

Azərbaycan məktəblərində 263 müəssisədə sanitar pozuntu aşkarlanıb

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub