Volın vilayətində Rusiya tərəfindən həyata keçirilən hücum nəticəsində Ukrayna-Polşa sərhədindəki "Yaqodin" keçid məntəqəsinin yaxınlığında yerləşən yanacaqdoldurma məntəqəsinə ziyan dəyib.

"Far.Az"un "İnterfaks-Ukrayna"ya istinadən verdiyi məlumata görə, bu barədə Ukrayna Dövlət Sərhəd Xidmətinin mətbuat katibi Andrey Demçenko məlumat verib.

Qeyd olunub ki, pilotsuz uçuş aparatının (PUA) qalıqlarının düşməsi nəticəsində partlayış baş verib, yanacaqdoldurma məntəqəsinin ərazisindəki tikililər və yaxınlıqda park edilmiş bir neçə yük maşını yanıb.

Hava həyəcanı zamanı sərhəddə bütün əməliyyatlar dayandırılıb, insanlar isə sığınacaqlarda olublar. Bununla yanaşı, Demçenko vurğulayıb ki, "Yaqodin" keçid məntəqəsinin özünə zərbə qeydə alınmayıb.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Nazirlik bu yanacaqdoldurma məntəqəsinin fəaliyyətini dayandırdı

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Bakıda obyektdə güclü PARTLAYIŞ - 7 nəfər xilas edilib, yaralılar var