Yeni qaydalara əsasən, Pekin şəhəri hüdudları daxilində pilotsuz uçuş aparatlarının istifadəsi qadağan ediləcək.

"Report"un "Associated Press"ə istinadən verdiyi məlumata görə, dronların istifadəsinə nəzarətin sərtləşdirilməsi çərçivəsində may ayında artıq bu cihazların satışına qadağa qüvvəyə minib, onlara sahib olmaqla bağlı qadağa isə noyabrın ortalarından etibarən tətbiq olunacaq.

Qeyd olunur ki, Çin paytaxtının hakimiyyət orqanları təhlükəsizlik səbəblərini əsas gətirərək icazəsiz dron uçuşlarını qadağan edib və şəhərin inzibati ərazisini məhdudlaşdırılmış hava məkanı zonası elan edib.

Qaydalara son dəyişikliklər iyunun sonunda Pekində kiçik hava aparatının göydələnə çırpılmasından sonra edilib. Hadisə nəticəsində bir nəfər ölüb, 13 nəfər yaralanıb.

Bildirilir ki, noyabrın 15-dən etibarən Pekin ərazisində dronlara və ya onların əsas komponentlərinə sahib olmaq və onları saxlamaq qadağan ediləcək. Qaydalara əməl etməyən şəxslərin dronları müsadirə oluna, fiziki şəxslərə və şirkətlərə isə cərimə tətbiq edilə bilər. Dronların digər şəhərlərdən, o cümlədən turistlər tərəfindən Pekinə gətirilməsi də qadağandır.

Oxşar xəbərlər

Horadiz-Ağbənd dəmir yolu ilə Araz İqtisadi Zonası Sənaye Parkına yüklərin daşınmasına başlandı

İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub