İran hakimiyyəti dövlət qurumlarında xarici messencerlərdən istifadəyə qoyulmuş qadağanı aradan qaldırıb.

"Report" xəbər verir ki, bu barədə İran İslam Respublikası hökumətinin nümayəndəsi Fatimə Mohacərani məlumat verib.

"Son bir neçə gün ərzində qəbul etdiyimiz və informasiya müharibəsində daha güclü mövqe tutmağımıza kömək edən qərarlardan biri dövlət qurumlarının xarici messencerlərdə fəaliyyətinə qoyulmuş qadağanın ləğv edilməsidir", - deyə o, mətbuat konfransında bildirib.

Mohacərani vurğulayıb ki, bu, dövlət qurumlarında xarici messencerlər vasitəsilə xidməti yazışmaların aparılacağı anlamına gəlmir: "Çünki əvvəllər bəzi sənədlər həqiqətən də bəzən xarici messencerlərə sızırdı".

Onun sözlərinə görə, bu addımın əsas məqsədi "ortaya çıxan şübhələrə və yayılan saxta məlumatlara operativ reaksiya vermək, həmçinin İrana qarşı aparılan psixoloji əməliyyatlara və informasiya müharibəsinə effektiv şəkildə qarşı çıxmaq imkanını təmin etməkdir".

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Xocalı şəhərində "Qarabağ Tekstil Evi" MMC istifadəyə verilib