Alıcı "Embawood" mebel şirkətindən narazıdır.

Bu barədə şikayətçi Elza İsrayılova BAKU.WS-in "qaynar xətti"nə müraciətində bildirib.

Onun sözlərinə görə, 2 ay əvvəl "Embawood"dan daxili kreditlə aldığı mebel ona tam şəkildə çatdırılmır.

"2 ay əvvəl kreditlə 1924 manatlıq mebel aldım. 2 aydır kreditini ödəyirəm amma hələ də mebelin güzgüsü mənə çatdırılmayıb. Hər dəfə zəng edəndə Pərvanə adlı işçi məni yola verməyə çalışırdı. 2 aydır bir güzgünü tapıb mənə çatdıra bilməyiblər", - deyə şikayətçi vurğulayıb.

Sözügedən halla bağlı sözügedən filialla əlaqə saxladıq. Telefona cavab verən xanım əməkdaş hadisəni təsdiqlədi:

"Həmin xanımın mebelinin güzgüsü qırıq idi, hazırda yeni güzgünün istehsal prosesi gedir", - deyə əməkdaş cavabında bildirib.

Güzgünün istehsal prosesinin nə vaxt bitəcəyi və məhsulun müştəriyə tam şəkildə nə vaxt çatdırılacağı haqqında isə sualımıza mağazadan cavab verməyiblər.

Oxşar xəbərlər

DÇ-2026-nın ən cazibədar xanım azarkeşləri

180-ə yaxın ölkədən qədim əşyaların toplandığı əntiq mağazadan fotoreportaj

Elza Seyidcahanın şlyapası gündəm oldu

Daxili kreditlə mənzil arzulayanlara əla təklif: Nərimanovda mənzillər yenidən daxili kreditlə satışdadır - "Kristal!"

Birinci xanım Mehriban Əliyeva Çolpon-Atada "Altın-Balalık" sağlamlıq və reabilitasiya mərkəzi ilə tanış olub