NASA-nın "Hubble" kosmik teleskopu Saturnun cənub qütbü ətrafında inkişaf edən 10 tərəfli nəhəng atmosfer quruluşu aşkarlayıb.

Far.Az xəbər verir ki, "Science Advances" jurnalında dərc olunan araşdırmaya görə, "dekagon" adlandırılan bu quruluş planetin müxtəlif atmosfer qatları boyunca uzanır və son illərdə güclənərək formalaşıb.

Saturnun şimal qütbündə onilliklərdir mövcud olduğu bilinən məşhur altıbucaqlı quruluşa bənzəsə də, cənub qütbündə aşkarlanan strukturun 10 tərəfli olması və sonradan yaranmağa başlaması alimlərin diqqətini çəkib.

Tədqiqatçılar bildiriblər ki, 2023-cü ildən "Hubble" məlumatlarında izləri görünən bu quruluş sayəsində ilk dəfə nəhəng planetar atmosfer modelinin sıfırdan inkişafını izləmək mümkün olub.

İlk əlamətlər 2024-cü ildə həvəskar astronomlar Trevor Barri və Jan-Pol Oje, eləcə də araşdırmanın baş müəllifi Aqustin Sançes-Laveqa tərəfindən yerüstü görüntülərdə aşkar edilib.

Alimlər "Hubble" və "James Webb" kosmik teleskoplarının köməyi ilə müşahidələri davam etdirərək 10 tərəfli dalğanın şimal qütbündəki altıbucaqlı struktur kimi uzunmüddətli formaya çevrilib-çevrilməyəcəyini araşdıracaqlar.

Oxşar xəbərlər

Həvəskar velosipedçilər arasında Federasiya Kubokunun qalibləri müəyyənləşib

DSX ötən ay 6,5 milyon manatlıq qaçaqmal aşkarlayıb

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Əfv Sərəncamı imzalayıb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3