Quba rayonunun yüksək dağlıq ərazilərində güclü qar yağıb.

BAKU.WS "Xəzər" TV-yə istinadən xəbər verir ki, qar ən çox Qrız kəndinə düşüb. Burada qar örtüyünün hündürlüyü 27 santimetrə, Xınalıqda isə 25 santimetrə çatıb.

Səhər saatlarında Quba-Xınalıq avtomobil yolunda nəqliyyatın hərəkəti çətinləşib.

Tətil günləri ilə əlaqədar Xınalığa üz tutan turistlərin bir qismi isə yol şəraitinin təhlükəli olması səbəbindən səfərlərini yarımçıq qoyaraq geri qayıtmalı olublar.

Yolda nəqliyyatın hərəkətini təmin etmək məqsədilə Azərbaycan Avtomobil Yolları Dövlət Agentliyinin ağır texnikası əraziyə cəlb olunub. Görülən tədbirlər nəticəsində yolda hərəkət bərpa edilib.

Hazırda Quba-Xınalıq avtomobil yolu açıqdır. Bununla belə, sürücülərə zərurət olmadıqca həmin istiqamətdə hərəkət etməmək, səfərə çıxanlara isə yol və hava şəraitini nəzərə alaraq ehtiyatlı olmaq tövsiyə edilir.

Oxşar xəbərlər

Xınalıq ağ örpəyə büründü - Qarın hündürlüyü 20 santimetrə çatdı

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Xınalıq və Qrızda 10 santimetrə qədər qar yağıb - 3 dərəcə ŞAXTA VAR

Media nümayəndələri Bakı Olimpiya Stadionunda WUF13-lə bağlı görülən işlərlə tanış olublar