Xalq artisti Röya Ayxanın adından Niderlandın paytaxtı Amsterdamda saxta konsert afişaları hazırlanaraq sosial şəbəkələrdə yayımlanıb.

BAKU.WS xəbər verir ki, afişalarda sənətçinin 30 yanvar 2027-ci il tarixində Amsterdamda yerləşən "De Koning Saal"da konsert verəcəyi bildirilib.

Afişalarda Röya Ayxanın fotolarından istifadə olunub, bilet sifarişi üçün isə əlaqə nömrələri yerləşdirilib.

Məsələ ilə bağlı sənətçi rəsmi səhifəsində açıqlama yayıb.

Röya Ayxan bildirib ki, sözügedən tarixdə və məkanda konserti planlaşdırılmayıb, yayılan afişaların onun rəsmi komandası ilə heç bir əlaqəsi yoxdur.

Müğənni izləyicilərini saxta elanlara inanmamağa, bilet almamağa və heç bir ödəniş etməməyə çağırıb. O, konsertləri ilə bağlı məlumatların yalnız rəsmi səhifələrindən izlənilməsini xahiş edib.

Qalereya

Oxşar xəbərlər

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Röya Ayxanın 25 illik səhnə fəaliyyətinə həsr olunan KONSERTDƏN GÖRÜNTÜLƏR

Azərbaycan mədəniyyət ictimaiyyəti İlham Əliyevə Zəfər Günü münasibətilə təbrik ünvanlayıb

Röya Ayxan "Baldır Yar"ı təqdim etdi

Xalq artisti Əminə Yusifqızı dəfn olunub