Türkiyənin Naxçıvan şəhərindəki Baş konsulu Asip Kayanın diplomatik fəaliyyət müddəti başa çatıb.

Far.Az "Report"a istinadən xəbər verir ki, diplomatın adından bununla bağlı Türkiyənin Naxçıvandakı Baş konsuluğunun rəsmi "Facebook" hesabında paylaşım edilib.

A.Kaya paylaşıımda 2022-ci il dekabrın 15-dən etibarən icra etdiyi vəzifəsini başa vuraraq sentyabrın 17-də Naxçıvanı tərk edəcəyini bildirib:

"Ölkəmizin qardaş Azərbaycanla yeganə quru əlaqəsi olan və Ulu Öndər Atatürkün "Türk qapısı" adlandırdığı Naxçıvanda təxminən dörd il müddətində fəaliyyət göstərməkdən böyük məmnunluq və qürur duydum.

Fəaliyyətim müddətində Ümummilli Lider Heydər Əliyevin "Bir millət, iki dövlət" prinsipi əsasında bizə hər zaman dəstək olan Azərbaycan və Naxçıvan Muxtar Respublikası rəhbərliyinə, eləcə də məni öz evimdə hiss etdirən bütün naxçıvanlı qardaşlarıma təşəkkürümü bildirirəm".

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Azərbaycanın Təbrizdəki konsulu Ramil İmranov Göyçayda dəfn olunub

Azərbaycan və Slovakiya prezidentləri Bratislavada "Azadlıq Qapısı" abidəsini ziyarət ediblər

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Prezident İlham Əliyev Bakı Enerji Həftəsinin rəsmi açılış mərasimində iştirak edib