ABŞ Federal Ehtiyat Sistemi (FES) 3 il ərzində ilk dəfə uçot dərəcəsini 3.75%-dən 4%-ə qaldırıb.

"Report" xarici mediaya istinadən xəbər verir ki, qərarı FES-in yeni rəhbəri Kevin Uorş qəbul edib.

Qeyd olunur ki, iclasdan əvvəl dərəcə 3,5–3,75% diapazonunda olub. Bu, üç il ərzində borclanma dəyərinin ilk artımıdır. Belə bir addım bazarın gözləntilərinə demək olar ki, tamamilə uyğun gəlib: treyderlər bunun ehtimalını 90%-dən çox qiymətləndirirdilər. Sonuncu dəfə FES uçot dərəcəsini 2023-cü il iyulun 26-da - 5,25–5,5% diapazonuna qədər qaldırıb.

Qərar davamlı inflyasiya təzyiqi fonunda qəbul edilib. FES-in üstünlük verdiyi PCE qiymət indeksi tənzimləyicinin 2% hədəfi olduğu halda, iyun və iyul aylarında illik ifadədə 3,7% artıb. Yaxın Şərqdəki münaqişə səbəbindən neftin barrelinin 100 dollardan baha olması, ABŞ dövlət borcunun 40 trilyon dollardan çox artması və onillik xəzinədarlıq istiqrazlarının gəlirliyinin 5%-dən yuxarı - 2007-ci ildən bəri ən yüksək səviyyəyə qalxması əlavə risklər yaradıb.

Bu artım, namizədliyini ABŞ-yə Donald Trampın təklif etdiyi Uorşun dövründə ilk olub. Tramp özü əvvəllər dərəcəni təxminən 1%-ə endirməyi tələb edirdi, bu yaxınlarda isə FES borclanma dəyərini azaltmazsa, ABŞ-nin ticarət kəsiri olduğu ölkələrlə ticarəti dayandıracağı ilə hədələyib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3