Bu il iyulun 31-nə Avropa Yenidənqurma və İnkişaf Bankının (EBRD) Azərbaycandakı cari kredit portfeli 888 milyon avro dəyərində qiymətləndirilir.

"Report" EBRD-ə istinadən xəbər verir ki, portfelin 41 %-i özəl sektorun payına düşür.

Hazırda Azərbaycanda EBRD-nin 35 layihəsi aktivdir.

İyunun 30-u ilə müqayisədə portfel 0,45 % və yaxud 4 milyon avro azalıb.

EBRD-nin məlumatına əsasən, cari portfelin əsas hissəsi - 89 %-i və yaxud 794 milyon avrosu dayanıqlı infrastrukturun inkişafına, 7 %-i və yaxud 64 milyon avrosu maliyyə institutlarına, 3 %-i və yaxud 30 milyon avrosu isə korporativ sektora yönəldilib.

Ümumilikdə EBRD Azərbaycanda 202 layihənin həyata keçirilməsinə 3,728 milyard avro investisiya yatırıb.

Bankın ölkədəki əməliyyat aktivlərinin dəyəri iyulun 31-nə 715 milyon avro təşkil edib. Bu iyunun 30 ilə müqayisədə 0,83 % və yaxud 6 milyon avro azdır.

Xatırladaq ki, 2025-ci ildə bank Azərbaycanda 81 milyon avro məbləğində 10 layihəni maliyyələşdirib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

EBRD Azərbaycan üzrə cari layihə portfelini yeniləyib

Prezident Naxçıvanda elektrik mühərrikli yeni avtobuslara baxıb, dəmir yolu infrastrukturunda aparılan yenidənqurma işləri ilə tanış olub