Pakistanın Kohat şəhərində polis məntəqəsinin ərazisində yerləşən məscidin yaxınlığında törədilən terror aktı nəticəsində ölənlərin sayı 31-ə yüksəlib.

BAKU.WS Reuters-ə istinadən xəbər verir ki, hadisə sentyabrın 18-də şəhərdəki "Police Lines" kompleksində baş verib.

Məlumata əsasən, içərisində partlayıcı maddələr olan avtomobillə kompleksin giriş qapısı dağıdılıb. Daha sonra avtomobil partladılıb. Güclü partlayış nəticəsində məscidin divarının bir hissəsi uçub, ətrafdakı binalara da ziyan dəyib.

Partlayışdan sonra ərazidə silahlı şəxslərlə hüquq-mühafizə orqanlarının əməkdaşları arasında atışma baş verib.

Polisin məlumatına görə, kompleksə ümumilikdə 7 silahlı şəxs daxil olub. Onlardan 6-sı zərərsizləşdirilib.

Hadisə nəticəsində çox sayda insanın yaralandığı da bildirilir. Xilasetmə və axtarış işləri davam etdirilir.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Bakıda obyektdə güclü PARTLAYIŞ - 7 nəfər xilas edilib, yaralılar var

Amnistiya aktı məntəqə tipli cəzaçəkmə müəssisəsində icra olunub

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Kəmaləddin Heydərov "Bilgəh" xilasetmə məntəqəsinin açılışında iştirak edib