İngiltərə Premyer Liqasının V turunda məhsuldar qarşılaşma baş tutub. "Mançester Siti" doğma meydanda "Sanderlend"i 5:3 hesabı ilə məğlub edib, "Liverpul" isə səfərdə "Bornmut" üzərində minimal hesablı qələbə qazanıb.

Far.Az xəbər verir ki, "Etihad" stadionunda keçirilən görüşdə hesabı 9-cu dəqiqədə Enzo Fernandes açıb. "Sanderlend"in hücumçusu Brayan Brobbi üç dəqiqə sonra tarazlığı bərpa edib.

29-cu dəqiqədə Rayan Şerki "Mançester Siti"ni yenidən önə keçirib. Brobbi 33-cü dəqiqədə özünün və komandasının ikinci qolunu vuraraq hesabı bərabərləşdirib. Semenyo 43-cü dəqiqədə fərqlənərək meydan sahiblərini fasiləyə üstün yollayıb.

İkinci hissədə də qolların ardı-arası kəsilməyib. Semenyo 57-ci dəqiqədə dublunu rəsmiləşdirib. Brobbi iki dəqiqə sonra het-trik edərək fərqi azaldıb. Lakin 81-ci dəqiqədə Erlinq Holandın qolu "Mançester Siti"yə 5:3 hesablı qələbə qazandırıb.

Bu nəticədən sonra "Mançester Siti" 15 xalla turnir cədvəlinə başçılıq edir. "Sanderlend" isə 4 xalla 14-cü pillədədir.

"Vitaliti" stadionunda keçirilən "Bornmut" – "Liverpul" matçında isə cəmi bir qol vurulub. Görüşün 57-ci dəqiqəsində Aleksander İsak fərqlənərək "Liverpul"a qələbə qazandırıb.

Qələbədən sonra "Liverpul" 9 xalla turnir cədvəlinin beşinci pilləsinə yüksəlib. "Bornmut" isə 3 xalla 16-cı sırada qərarlaşıb.

Oxşar xəbərlər

DÇ-2026: Ən çox qolu kim vurub?

"Sabah" UEFA Çempionlar Liqasının əsas mərhələsinə vəsiqə qazanıb - YENİLƏNİB-11

Lənkəranda qandonduran HADİSƏ – Ana isti qaşıqla 3 yaşlı qızının qolunu DAĞLADI

Premyer Liqada het-trik edən 50-ci legioner: "Vurduğum qolların sayına xüsusi önəm vermirəm"

Azərbaycan çempionatları tarixində het-trik edən legioner futbolçuların sayı 50-yə çatıb