Azərbaycan Mərkəzi Bankı (AMB) yaxın perspektivdə ölkənin bank sektorunda yeni birləşmə və satınalmaların mümkünlüyü məsələsinə münasibət bildirib.

Far.Az APA-ya istinadən xəbər verir ki, bankların konsolidasiya ilə bağlı qərarları, ilk növbədə, onların səhmdarlarının biznes strategiyası və kommersiya qərarları çərçivəsində formalaşır.

Mərkəzi Bankın rolu isə belə təşəbbüslərin qanunvericiliyin tələblərinə və prudensial meyarlara uyğunluğunun qiymətləndirilməsindən ibarətdir.

"Konsolidasiya kommersiya xarakterli danışıqları və konfidensial məlumatları ehtiva etdiyi üçün hər hansı konsolidasiya prosesi qanunvericiliyə uyğun olaraq yalnız Mərkəzi Bankın razılığı tələb edilən mərhələyə çatdıqda, Mərkəzi Bank tərəfindən məsələ müəyyən edilmiş qaydada qiymətləndirilir", - deyə AMB-dən bildirilib.

Mərkəzi Bank bəyan edib ki, mümkün konsolidasiya proseslərində əsas prioritet maliyyə sabitliyinin qorunması, bankların dayanıqlığının gücləndirilməsi və sağlam rəqabət mühitinin saxlanılmasıdır.

Bildirilib ki, konsolidasiya nəticəsində ayrı-ayrı bankların bazar payının artması sistem əhəmiyyətinin və risk konsentrasiyasının yüksəlməsinə səbəb ola bilər. Bu baxımdan belə proseslərin maliyyə sabitliyinə mümkün təsirləri diqqətdə saxlanılır.

AMB-nin makroprudensial siyasətinin məqsədi sistem risklərinin akkumulyasiyasının qarşısının alınması və maliyyə sisteminin şoklara qarşı dayanıqlığının gücləndirilməsidir.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Mülki aviasiyada təhlükəsizliyə nəzarətlə bağlı xidmət haqqı məbləğləri təsdiqlənib

Azərbaycanda mülki aviasiya xidmətləri ilə bağlı tariflər QÜVVƏYƏ MİNDİ

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN