Qrenlandiya və Antarktidadakı nəhəng buz örtükləri 1979-cu ildən bəri 12 trilyon tondan çox buz itirib. Bu itki qlobal dəniz səviyyəsinin təxminən 31,4 millimetr yüksəlməsinə səbəb olub.

BAKU.WS xəbər verir ki, bu barədə 58 alimin imzaladığı genişmiqyaslı hesabatda bildirilib.

Tədqiqatçılar 27 peyk missiyasından əldə olunan məlumatlar əsasında buz örtükləri ilə bağlı 42 araşdırmanın nəticələrini bir araya gətiriblər. Nəticələr son 47 ildə buz itkisinin davamlı şəkildə artdığını göstərib.

Alimlərin hesablamalarına görə, buz itkisinə səbəb olan proseslərin təxminən 84 faizi buzlaqların okeana daha sürətlə axması ilə bağlıdır. Qalan 16 faiz isə əsasən səthdə ərimə və atmosfer şəraiti ilə əlaqələndirilir.

Tədqiqatçılar bildirirlər ki, okeanların isinməsi buzlaqların əriməsini sürətləndirən əsas amillərdən biridir. Qrenlandiyada Atlantik okeanından gələn daha isti suların şimala doğru irəliləməsi, Antarktidada isə güclənən okean axınları buz örtüklərinə əlavə təzyiq yaradır.

Mütəxəssislər buz itkisinin 1990-cı illərdən etibarən daha da sürətləndiyini və uzunmüddətli geriləmə tendensiyasının davam etdiyini qeyd edirlər. Araşdırmanın nəticələri "Scientific Data" jurnalında dərc olunub.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər" - MÜSAHİBƏ

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər"