Yeddiqat Olimpiya çempionu, 23 qat dünya çempionu, amerikalı gimnast Simone Bayls avtomobilinin oğurlandığını açıqlayıb.

Far.Az xəbər verir ki, idmançı bu barədə sosial şəbəkə hesabında paylaşdığı videoda danışıb.

Baylsın sözlərinə görə, hadisə bir neçə ay əvvəl Çikaqoda baş verib. Maskalı üç kişi onun yaşadığı evə gəlib və "Porsche" markalı avtomobilini oğurlayıb.

"Mənə elə gəlir ki, yeni avtomobilə ehtiyacım var. Bir neçə ay əvvəl Çikaqoda üç maskalı kişi evimizə gəldi və Porsche-mi oğurladı. Düşünürəm ki, mənə öz realiti-şoum lazımdır. Həyatımda o qədər inanılmaz hadisələr baş verir ki, prodüserlər üçün məni mütəmadi olaraq çəkmək çox asan olardı", - deyə gimnast bildirib.

Qeyd edək ki, Bayls dünyanın ən titullu idman gimnastlarından biridir. O, Olimpiya Oyunlarında 7 qızıl medal qazanıb və dünya çempionatlarında 23 dəfə çempion olub.

Oxşar xəbərlər

İkonadan ilhamlanıb: Yeni Porsche Cayenne Coupe Electric

Yeni Porsche Cayenne Electric Azərbaycanda təqdim olundu

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Porsche Azərbaycandan uşaqlarla unudulmaz kartinq günü

Prezident İlham Əliyev Yevlax Olimpiya İdman Kompleksinin açılışında iştirak edib