Bakının Sabunçu rayonunun Balaxanı qəsəbəsində yerləşən orta məktəbdə valideynlərdən pul yığıldığı iddia edilib.

Bununla bağlı sosial şəbəkədə paylaşım edilib.

İddia olunub ki, 259 nömrəli tam orta ümumtəhsil məktəbinin "3ç" sinfinin valideyn komitəsinin sədri valideynlər qrupuna bank kartının nömrəsini göndərərək onlardan 30 manat pul yığılmasını istəyib.

Oxu.Az-ın sorğusuna cavab olaraq 259 nömrəli tam orta ümumtəhsil məktəbindən bildirilib ki, məktəbin "3ç" sinfinin valideynləri tərəfindən vəsait toplanması ilə bağlı sosial şəbəkədə yayılan səs yazısı araşdırılıb.

"Araşdırma zamanı valideynlərlə müvafiq söhbət aparılıb. Araşdırma zəminində valideynlərin təşəbbüsü ilə vəsait toplanması faktı aşkarlanıb. Bununla bağlı sinif rəhbərinə də xəbərdarlıq olunub. Bu kimi təşəbbüslərin yolverilməz olduğu valideynlərin diqqətinə bir daha çatdırılıb. Həmçinin məktəbdaxili intizam qaydalarına riayət olunmasının və bu istiqamətdə nəzarətin gücləndirilməsinin vacibliyi vurğulanıb", - deyə məlumatda bildirilib.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Prezident Ərəb Koordinasiya Qrupuna üzv qurumların rəhbər şəxslərini qəbul edib

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Azərbaycanın ilk beynəlxalq kardiologiya jurnalı – Journal of Heart Disease and Therapy – 3-cü nömrəsini təqdim edilib

Leyla Əliyeva "Onlardan biri: Emil" adlı anım tədbirində iştirak edib