Azərbaycan Dövlət Neft Şirkəti (SOCAR) və ABŞ-nin "Apollo Global Management" şirkəti arasında əməkdaşlıq məsələləri və yeni investisiya imkanları müzakirə edilib.

"Report" xəbər verir ki, bu barədə SOCAR prezidenti Rövşən Nəcəf "X" hesabındakı paylaşımında bildirib.

Bununla bağlı müzakirələr R. Nəcəfin şirkətin idarəedici direktoru Conatan Bar ilə görüşündə aparılıb.

R. Nəcəf bildirib ki, SOCAR-ın "upstream" layihələrinə uzunmüddətli beynəlxalq investisiyaların cəlb edilməsi, investisiya əməliyyatlarının strukturlaşdırılması və maliyyələşdirmə sahəsində əməkdaşlığın genişləndirilməsi məsələlərini nəzərdən keçirilib.

O qeyd edib ki, irimiqyaslı enerji layihələrinin həyata keçirilməsi effektiv maliyyələşdirmə modelləri, çevik maliyyə həlləri və etibarlı tərəfdaşlıq tələb edir: "Apollo Global Management" ilə əməkdaşlığımızın genişləndirilməsinin yeni investisiya imkanlarının reallaşdırılmasına və SOCAR-ın beynəlxalq fəaliyyətinin daha da güclənməsinə töhfə verəcəyinə inanıram".

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Rövşən Nəcəf bir sıra xarici şirkətlə əməkdaşlıq imkanlarını müzakirə edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Türküstanda TDT-nin qeyri-rəsmi Zirvə görüşündə iştirak edib