Azərbaycanın 20 yaşadək voleybolçu qızları Avropa çempionatının 1-ci təsnifat (EEVZA – Şərqi Avropa Voleybol Zonal Assosiasiyası çempionatı) mərhələsində iştirak edəcək.

Bu barədə "Report"a Voleybol Federasiyasından məlumat verilib.

Bildirilib ki, 22-25 oktyabr 2026-cı il tarixlərində Gürcüstanın Rustavi şəhərində təşkil olunacaq yarışda Azərbaycan, Polşa, Latviya, Ermənistan, Ukrayna, Estoniya və ev sahibi Gürcüstan milli komandaları mübarizə aparacaqlar.

Millimiz A qrupunda Polşa və Latviya yığmalarına qarşı çıxış edəcək.

Digər qrupda isə Estoniya, Gürcüstan, Ermənistan və Ukrayna komandaları yer alacaqlar.

Reqlamentə əsasən, qruplarda 1-ci yeri tutacaq komandalar (A1–B1) turnirin qalibini müəyyənləşdirmək üçün həlledici oyunda qarşılaşacaqlar. Qruplarda 2-ci və 3-cü yerləri tutacaq komandalar isə müvafiq olaraq A2-B2 və A3-B3 qarşılaşmalarında turnirdəki yekun sıralamalarını müəyyənləşdirəcəklər.

A1-B1 qarşılaşmasının qalibi 2027-ci ildə keçiriləcək Avropa çempionatının final mərhələsinə vəsiqə qazanacaq. 2, 3 və 4-cü yerləri tutacaq komandalar isə qitə çempionatının 2-ci təsnifat mərhələsində iştirak hüququ əldə edəcəklər.

U-20 Avropa çempionatının 1-ci təsnifat mərhələsi (EEVZA) (Gürcüstan, Rustavi)

A qrupu: Azərbaycan, Polşa, Latviya

B qrupu: Estoniya, Gürcüstan, Ermənistan, Ukrayna

22 oktyabr

15:30. Latviya – Polşa

18:00. Estoniya – Ukrayna

20:30. Gürcüstan – Ermənistan

23 oktyabr

15:30. Polşa – Azərbaycan

18:00. Ermənistan – Estoniya

20:30. Ukrayna – Gürcüstan

24 oktyabr

15:30. Latviya – Azərbaycan

18:00. Ermənistan – Ukrayna

20:30. Estoniya – Gürcüstan

25 oktyabr

12:00. A3 – B3

14:30. A2 – B2

17:00. A1 – B1

Oyunların başlama saatı yerli vaxtla göstərilib.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Azərbaycan və Latviya prezidentləri mətbuata bəyanatlarla çıxış ediblər

Məşhurlardan 29 Oktyabr – Cümhuriyyət bayramı PAYLAŞIMLARI

Din xadimləri Qarabağ və Şərqi Zəngəzurdakı tarixi-dini abidələri ziyarət ediblər

Azərbaycan Prezidenti və Gürcüstanın Baş naziri mətbuata bəyanatlarla çıxış ediblər