"Azərbaycanda istehlak bazarında müşahidə olunan qiymət dəyişikliklərinin əhəmiyyətli hissəsi idxal inflyasiyası ilə bağlıdır".

Bunu BAKU.WS-ə açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib.

Onun sözlərinə görə, xüsusilə ərzaq məhsullarının idxal edildiyi ölkələrdə qiymətlərin dəyişməsi birbaşa olaraq Azərbaycan bazarına təsir göstərə bilir.

"Adətən region ölkələrində və Azərbaycanın, xüsusən ərzaq məhsulları idxal etdiyi ölkələrdə qiymət artımları müşahidə olunursa, bu, idxal inflyasiyasının sürətlənməsinə gətirib çıxarır. Əksinə, həmin ölkələrdə qiymətlər sabitləşirsə, bu, idxal inflyasiyasını xeyli dərəcədə minimumlaşdırır", - deyə deputat qeyd edib.

V.Bayramovun sözlərinə görə, 2027-ci ildə də Azərbaycanda istehlak bazarında qiymətlərin dəyişməsi həm region ölkələrində, həm də dünya bazarında baş verən proseslərdən asılı olacaq.

Millət vəkili bildirib ki, Azərbaycan hökuməti qiymət artımlarının təsirlərinin minimumlaşdırılması istiqamətində fəaliyyətini davam etdirir. Bu çərçivədə ərzaq ehtiyatlarının yaradılması və ehtiyatların artırılması da mühüm əhəmiyyət daşıyır.

Deputat hesab edir ki, ərzaq ehtiyatlarının artırılması bazarda tarazlığın qorunmasına və mümkün qiymət dalğalanmalarının təsirinin azaldılmasına imkan verə bilər.

"Bütün hallarda region ölkələrində və dünya bazarında baş verən proseslər idxal inflyasiyası vasitəsilə Azərbaycan istehlak bazarına təsir göstərə bilər. Amma Azərbaycan hökuməti bu təsirləri minimumlaşdırmaq istiqamətində fəaliyyətini davam etdirəcək", - deyə V.Bayramov əlavə edib.

Orxan Hüseyn

Oxşar xəbərlər

Ət əvəzinə hamı balıq alır - Bazarda SON QİYMƏTLƏR

Azərbaycanın yeni sənaye modelinin konturları - TƏHLİL

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2