Yaponiya, ABŞ dəniz piyadasının şübhəli bilindiyi Okinava prefekturasında bir sakinin qətli ilə əlaqədar ABŞ Silahlı Qüvvələri komandanlığına sərt etirazını bildirib.

"Far.Az"un "Kyodo"ya istinadən məlumatına görə, bunu Yaponiyanın müdafiə naziri Şinjiro Koizumi deyib.

"Bu, tamamilə hiddətləndirici və bağışlanmaz hadisədir. Dərin qəzəb hissi keçiririk", - deyə nazir bildirib.

Qeyd edək ki, Okinava polisi 39 yaşlı yerli sakinin qətlə yetirilməsi və qarət edilməsi şübhəsi ilə ABŞ Dəniz Piyadaları Korpusunun 20 yaşlı hərbçisini saxlayıb. Şübhəli hərbçi ABŞ-nin Futenma aviabazasında xidmət edir.

Qadının meyiti otel otağında aşkarlanıb. Polisə görə, müşahidə kameralarının görüntülərində qadının şübhəli şəxslə birlikdə otağa daxil olduğu qeydə alınıb. Daha sonra hərbçi otaqdan tək çıxıb.

İstintaq zamanı həmçinin müəyyən edilib ki, mərhum qadının şəxsi əşyaları itib.

Oxşar xəbərlər

Türkiyədə məzun olan Azərbaycan hərbçilərinə diplomlar təqdim edilib

Azərbaycanlı milyarder Rusiyada böyük otel aldı

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan məktəblərində 263 müəssisədə sanitar pozuntu aşkarlanıb