Baku TV-nin "Kəndinə qayıt" verilişinin yeni buraxılışında Cəlilabad rayonunun Ağdaş inzibati ərazisinə daxil olan Ağbulaq kəndinə səfər edilib.

Kənddə hazırda cəmi səkkiz ailənin yaşadığı bildirilir.

Sakinlərin sözlərinə görə, bir vaxtlar kənddə təxminən 40 ev olub. Lakin yol, məktəb və digər sosial imkanların məhdud olması səbəbindən ailələrin böyük hissəsi başqa ərazilərə köçüb. Hazırda burada məktəb və xəstəxana yoxdur. Xüsusilə qış aylarında yolların palçıq və sürüşkən olması sakinlərin rayon mərkəzinə gedib-gəlməsini çətinləşdirir.

Kənd sakinlərindən Elməddin bəy bildirir ki, Ağbulağa gedən təxminən 8 kilometrlik yolun çətinliyi səbəbindən hətta ev tikmək üçün lazım olan inşaat materiallarını belə çiynində kəndə daşımalı olub.

Ağbulağın tarixinin ən azı 200 il əvvələ gedib çıxdığı qeyd edilir. Kənd sakinlərinin sözlərinə görə, əvvəllər burada 40-a yaxın ev olub və kənddən çoxsaylı alitəhsilli insanlar çıxıb. Lakin iş imkanlarının və yaşayış şəraitinin məhdudluğu gənclərin kənddən köçməsinə səbəb olub.

Ağbulaqda diqqətçəkən məqamlardan biri də sakinlərin bir-biri ilə yaxın münasibətidir. Kənddə az sayda ailə qaldığından insanlar bir-birinin evinə rahat gedib-gəlir, qapılarını isə çox vaxt bağlamırlar. Sakinlərin sözlərinə görə, harada samovar tüstüsü görünürsə, kənddə yaşayanlar oraya toplaşırlar.

Oxşar xəbərlər

Ağbulaq kəndinin tarixi və əhalisi ilə bağlı məlumatlar sənədləşdirilib

Ermənistanda azərbaycanlıların yaşadığı Güllübulaq kəndinin tarixi araşdırılıb

Fərqli inanclar, eyni həyat: cəmi bir azərbaycanlı ailənin yaşadığı Gürcüstanın çoxmillətli kəndindən REPORTAJ

Kəlbəcərdə 855 ailənin köçürüləcəyi kənddən GÖRÜNTÜLƏR

Vətən müharibəsində Qələbənin beşinci ildönümünə həsr olunmuş Hərbi parad keçirilib