Bu həftənin əvvəlində uçuş zamanı ekipaj komandirinə hücum edən "Flydubai" sərnişin təyyarəsinin ikinci pilotu müstəntiqlərə təyyarəni İsraildə yerə çırpmağı planlaşdırdığını etiraf edib.

Far.Az Oxu.Az-a istinadən xəbər verir ki, bu barədə "ABC News" telekanalı istintaqın gedişatı ilə tanış olan mənbələrə istinadən məlumat verib.

"Şübhəli insidenti araşdıran orqanlarla "əməkdaşlıq edir" və təyyarəni İsraildə yerə çırpmaq niyyətində olduğunu bildirib", - deyə məlumatda qeyd edilib.

"ABC News" iddia edir ki, pilotun şəxsiyyəti müəyyən edilib. Telekanalın mənbələri bildirirlər ki, bu, Suriya-Oman əsilli Oman vətəndaşı, 29 yaşlı Hamam əl-Hammamidir.

Xatırladaq ki, sentyabrın 3-da Dubaydan Təl-Əvivə uçan təyyarənin ikinci pilotu göyərtənin komandirinə standart "qəza baltası" ilə hücum edib və təyyarənin idarəetməsini öz əlinə almağa çalışıb. Təyyarə yarım dəqiqə ərzində 4.5 kilometr hündürlük itirib, lakin fəlakətin qarşısını almaq mümkün olub.

BƏƏ-nin baş prokuroru Hamad Seyf əl-Şəmsinin bəyanatına görə, "Flydubai"nin göyərtəsində terror aktına cəhd olub.

Xatırladaq ki, sentyabrın 30-da Dubaydan Təl-Əvivə uçan "FlyDubai" reysi fövqəladə vəziyyət siqnalı verib, daha sonra təyyarənin qaçırılması barədə məlumat vermək üçün istifadə edilən kod ötürüb. İlkin məlumatlara görə, ikinci pilot təyyarənin komandirini bıçaqlayıb və təyyarəni yerə çırpmağa cəhd edib. Xəsarət alan Hindistan vətəndaşı olub. Reysin sərnişinləri hücumçunu zərərsizləşdirməyə müvəffəq olublar. Təyyarə Səudiyyə Ərəbistanının Təbuk şəhərinə təcili eniş edib və həmin axşam xilasetmə təyyarəsi sərnişinləri Təl-Əvivə aparıb.

Oxşar xəbərlər

Prezident İlham Əliyev Əfv Sərəncamı imzalayıb

17 yaşında təyyarə idarə edən pilotun miniatür dünyasından FOTOREPORTAJ

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Aleksandr Dümanın baş çəkdiyi Qubanın tarixi abidəsi: "Hündür günbəzli hamam"