Azərbaycan 2030-cu ilə qədər 300-ə qədər şirkətin rəqəmsal transformasiyasını dəstəkləyəcək.

"Report" xəbər verir ki, bunu iqtisadiyyat nazirinin müavini Səməd Bəşirli Bakıda keçirilən "Orta Dəhliz boyunca infrastruktur, nəqliyyat, logistika, "yaşıl enerji" və rəqəmsallaşma üçün maliyyənin səfərbər edilməsi" mövzusunda Almaniya-Azərbaycan Əlaqəlilik Konfransında bildirib.

"Bizim üçün süni intellekt ayrıca bir sektor deyil, istehsalat, logistika, aqrobiznes, turizm və ixrac xidmətlərində məhsuldarlığı artıran üfüqi bir platformadır. Rəqəmsal İqtisadiyyatın İnkişafı Strategiyasına əsasən, məqsədimiz güzəştli kreditlər və digər dəstək tədbirləri vasitəsilə "Sənaye 4.0" texnologiyalarının tətbiq ilə 2030-cu ilə qədər 300-ə qədər şirkətin rəqəmsal transformasiyasını dəstəkləməkdir. Bu miqyasda bağlantı aydın investisiya modeli tələb edir. Dövlət sektoru əlverişli şərait yaradır, infrastruktur ilkin tələbatı təmin etməklə riskləri azaldır, özəl kapital isə uğurlu layihələrin genişləndirilməsini təmin edir. Azərbaycan bu tələbat üçün sabit bünövrə təklif edir",- deyə o qeyd edib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Səməd Vurğun adına Yaradıcılıq Evinin açılışında iştirak edib

Leyla Əliyeva "Mənzərəyə açılan ev" mövzusunda qrup sərgisində iştirak edib

Prezident İlham Əliyev Bakı Enerji Həftəsinin rəsmi açılış mərasimində iştirak edib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər