İstanbulun Başakşehir rayonunda yerləşən Şeyx Şamil İmam Hatip Orta Məktəbində bıçaqlı hücum baş verib.

Far.Az xəbər verir ki, hadisə nəticəsində 8 qız şagird yaralanıb.

Məlumata görə, hücumu törədən şəxs məktəbin keçmiş məzunlarından olan və hazırda liseydə təhsil alan qız şagirddir.

O, məktəb formasını geyinərək əvvəllər təhsil aldığı məktəbə gəlib.

İddialara görə, psixoloji problemləri olduğu bildirilən şagird məktəbdə bıçaqla 8 şagirdə xəsarət yetirib.

Hadisə ilə bağlı əraziyə çox sayda polis və təcili tibbi yardım briqadası cəlb olunub. Hücum edən şagird polis tərəfindən saxlanılıb. Yaralılar ilkin tibbi yardım göstərildikdən sonra xəstəxanaya çatdırılıb.

Türkiyənin Səhiyyə naziri Kemal Memişoğlu da hadisə ilə bağlı açıqlama verib. Nazir bildirib ki, yaralanan 8 nəfərin müalicəsi xəstəxanalarda davam edir. Onlardan 1-nin vəziyyəti kritik, 2-nin vəziyyəti isə orta-ağır qiymətləndirilir.

Hadisədən sonra məktəbdə övladı təhsil alan valideynlər böyük təşviş yaşayıb. Valideynlər məktəbə gələrək uşaqlarının vəziyyəti barədə məlumat almağa çalışıblar.

Qalereya

Oxşar xəbərlər

FHN Cəmşid Naxçıvanski adına Hərbi Liseydə təlim keçirib

Prezident İlham Əliyev Əfv Sərəncamı imzalayıb

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Cəmşid Naxçıvanski adına Hərbi Liseydə buraxılış mərasimi keçirilib

"SOCAR Könüllüləri"nin Məzun Günü və müsabiqəsi keçirilib