COP29 çərçivəsində Azərbaycana gələn xarici jurnalistlər tarixi, mədəni və nadir eksponatlarla tanış olublar
Far.Az xəbər saytı

COP29 çərçivəsində Azərbaycana gələn xarici jurnalistlər tarixi, mədəni və nadir eksponatlarla tanış olublar


COP29 çərçivəsində Azərbaycanda olan xarici jurnalistlər noyabrın 15-də Bakıda tarixi, mədəni və nadir eksponatlarla tanış olublar.

"Far.Az" xəbər verir ki, Medianın İnkişafı Agentliyi və COP29 Əməliyyat Şirkətinin birgə təşkilatçılığı ilə xarici media nümayəndələri ilk olaraq Milli Azərbaycan Tarixi Muzeyini ziyarət ediblər.

Xarici jurnalistlər muzeyin ekspozisiyası, müxtəlif arxeoloji, etnoqrafik materiallar və eksponatlarla yaxından tanış olublar.

Daha sonra Heydər Əliyev Mərkəzində olan xarici media nümayəndələrinə Mərkəzin fəaliyyəti haqqında ətraflı məlumat verilib. “Azərbaycan inciləri” sərgisi ilə də tanış olan qonaqlara burada Azərbaycanın təbii sərvətləri, çoxəsrlik tarixi, mədəni irsi ilə bağlı nadir eksponatların nümayiş etdirildiyi bildirilib.

Sonda XII əsrə aid divarlarla əhatə olunmuş, Şərq memarlığı və tarixi ilə zəngin, UNESCO-nun Ümumdünya İrs Siyahısına daxil edilmiş İçərişəhər ziyarət olunub.

Burada jurnalistlərə qeyri-adi memarlıq özəllikləri ilə seçilən Qız qalası və Bakının tarixi tikililəri arasında mühüm yer tutan Şirvanşahlar Sarayı Kompleksi də daxil olmaqla İçərişəhərin qədim küçələri və abidələri barədə geniş məlumat verilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda COP29-un Liderlər Sammitinin açılış mərasimi keçirilib - YENİLƏNİB-2
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Ən son xəbərləri bizim

"Facebook" səhifəmizdə izləyin

Digər xəbərlər