Portuqaliya yığmasının hücumçusu Kriştianu Ronaldunun anası Dolores Aveyru oğlunun baş məşqçi Jorji Jezuşla fikir ayrılığı səbəbindən milli komandadan ayrılması hadisəsindən şoka düşdüyünü bildirib.

Bu barədə BAKU.WS Oxu.Az-a istinadən xəbər verir.

"Kədərliyəm, bu normaldır. Şokda idim. Oğlum ön qapıdan çıxıb gedə bilərdi, amma arxa qapıdan getdi. Amma eybi yoxdur, Tanrı onun qayğısına qalacaq. Bir az ağladım. Emosiyaları üzə çıxarmaq da faydalıdır. Bütün bunlarla bacarmalıyıq", - deyə Aveyru vurğulayıb.

O, həmçinin millinin düşərgəsini tərk etdikdən sonra oğlu ilə ilk telefon danışığından da bəhs edib:

"O mənə dedi: '"Ana, narahat olma, hamımız bir yerə toplaşanda həqiqəti deyəcəyəm". Mən də cavab verdim: "Yaxşı, oğlum, bu məsələni həll et". Ona təmkinli olmağı tapşırdım, lakin onun fikri fərqli idi. Görək nə olur. Ona bütün dəstəyimi verdim, lakin bu kömək etmədi. Ancaq eybi yoxdur - o, Portuqaliyaya çox şey verib və ölkə üçün həmişə qəhrəman olaraq qalacaq. Onu layiqincə qiymətləndirmirlər", - deyə futbolçunun anası əlavə edib.

Qeyd edək ki, 41 yaşlı futbolçu UEFA Millətlər Liqasının Danimarka ilə matçından (4:2) əvvəl düşərgəni tərk edib. Jezuş həmin oyunda onu heyətə salmağı planlaşdırmırdı. Oktyabrın 6-da Ronaldu bəyanat yayaraq, mütəxəssisin ona verdiyi sözü iki dəfə pozduğunu açıqlamışdı.

Ronaldu Portuqaliya milli komandasının heyətində keçirdiyi 234 matçda 146 qola imza atıb.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Silahlı Qüvvələrin bir qrup hərbi qulluqçu təltif edilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN