Milli Basketbol Assosiasiyasının (NBA) altıqat qalibi Maykl Cordanın "Çikaqo"nun heyətində son mövsümündə çıxış etdiyi forması hərracda rekord məbləğə - 14 milyon dollara satılıb.

"Report" xəbər verir ki, bu barədə "Associated Press" agentliyi məlumat yayıb.

Cordan bu maykada 1998-ci il final seriyasının "Yuta"ya qarşı ikinci matçında (93:88) çıxış edib və həmin görüşdə 37 xal toplayıb. Sonradan komanda seriyada qalib gəlib (4-2). Alıcı amerikalının avtoqrafı olan formaya sahib olub.

14 milyon dollarlıq məbləğ basketbolla bağlı satılan əşyalar üçün rekord olub. Həmçinin forma idman tarixində ikinci ən bahalı forma olub. Rekord amerikalı beysbolçu Beyb Rutun formasına məxsusdur. O, 2024-cü ildə 24,12 milyon dollara alınıb.

Daha əvvəl Maykl Cordana məxsus forma hərracda 12,26 milyon dollara satılmışdı.

Oxşar xəbərlər

Bakıda avtomobil şinləri satılan anbarın fəaliyyəti dayandırıldı

Dövlət Komitəsinin sədri ABŞ-də Yuta Senatının prezidenti ilə görüşüb

Əfsanəvi beysbolçunun forması hərracda satılan ən bahalı idman xatirə əşyası olub

HONOR 600 Seriyasının Azərbaycanda möhtəşəm təqdimatı keçirildi

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6