Amerikalı reper Soulja Boy 2028-ci ildə keçiriləcək ABŞ prezident seçkilərində iştirak etmək niyyətində olduğunu açıqlayıb. Sənətçi musiqi səhnəsini siyasətlə əvəzləyərək Ağ Evə rəhbərlik etməyi hədəfləyir.

Far.Az xəbər verir ki, bu barədə Britaniyanın "The Daily Mirror" qəzeti reperin açıqlamasına istinadən məlumat yayıb.

Əsl adı Deandre Kortes Uey olan sənətçi qarşıdakı dövrü həyatında yeni mərhələ kimi gördüyünü bildirib. Nəşrin yazdığına görə, reper səhnə və səsyazma studiyasını geridə qoyaraq ABŞ prezidentinin iş otağı olan Oval kabinetə keçmək arzusundadır.

Soulja Boy sosial şəbəkə hesabında ABŞ bayrağı fonunda çəkilmiş fotosunu da paylaşıb. O, şəklin üzərinə "Soulja Boy 2028" sözlərini yazaraq ABŞ bayrağı emojisi əlavə edib.

Reperin bu paylaşımı onun 2028-ci il prezident seçkilərində namizəd olmaq niyyətini ifadə edən mesaj kimi qiymətləndirilir.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Şuşada "Xarıbülbül" IX Beynəlxalq Musiqi Festivalı keçirilir

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Leyla Əliyevanın təşəbbüsü ilə Albaniyada Xəstəxana Mərkəzinin pediatrik sedasiya otağı istifadəyə verilib

Röya Ayxanın 25 illik səhnə fəaliyyətinə həsr olunan KONSERTDƏN GÖRÜNTÜLƏR