Siyasi şərhçi Oqtay Qasımov İranın Azərbaycanda ideoloji təsirini genişləndirməyə çalışdığını bildirib.

BAKU.WS Baku TV-yə istinadla xəbər verir ki, onun sözlərinə görə, bu cür fəaliyyətlər ölkənin milli təhlükəsizliyi və dövlət suverenliyi baxımından diqqətlə araşdırılmalıdır.

Şərhçi qeyd edib ki, illər ərzində bəzi təhsil müəssisələrində milli dəyərlərə, dövlət rəmzlərinə və bayrağa münasibətlə bağlı narahatedici hallar müşahidə olunub.

Oqtay Qasımovun fikrincə, İranın bölgədə proksi qüvvələr və təsir qrupları yaratmaq siyasəti Azərbaycanın da təhlükəsizliyi üçün risklər yarada bilər.

"Azərbaycanın dövlət müstəqilliyi, suverenliyi üçün ciddi bir təhlükə var. Biz cəmiyyət olaraq bu gerçəklərin gözünə dik baxmalıyıq və bundan çıxış yolları axtarmalıyıq", - deyə siyasi şərhçi vurğulayıb.

O.Qasımov hesab edir ki, bu cür risklərin qarşısının alınması üçün təhsil və maarifləndirmə gücləndirilməli, müvafiq qurumlar fəaliyyətlərini əlaqələndirməlidir.

O, dövlətə qarşı qanunazid fəaliyyətlərin isə hüquqi müstəvidə araşdırılmasının vacibliyini qeyd edib. Şərhçinin sözlərinə görə, dini təhsil müəssisələrində Azərbaycan dövlətinə bağlı, milli dəyərlərə hörmət edən və xarici təsirlərdən asılı olmayan din xadimlərinin yetişdirilməsi də mühüm əhəmiyyət daşıyır.

Oxşar xəbərlər

FHN silsilə maarifləndirmə tədbirləri keçirib

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Türk tarixinə baxış və ideoloji yanaşmalar müzakirə olunub