Qusarda qonşusunu telefonla çəkən qadın döyülüb.

BAKU.WS oxu.az-a istinadən xəbər verir ki, hadisə rayonu Gədəzeyxur kəndində baş verib.

Kənd sakini, 1977-ci il təvəllüdlü Rəvanə Abdullayevanın (soyad şərtidir - red.) saxladığı qazlar qonşusu Aynurənin həyətinə gələn su arxını mütəmadi olaraq bulandırıb. Aynurə bu barədə dəfələrlə Rəvanəyə müraciət etsə də, qonşusu onun bu iradı ilə razılaşmayıb və mübahisə yaranıb.

Bir neçə gün öncə Aynurə kürəkəni ilə birlikdə həmin su arxını təmizləyərkən Rəvanə hadisə yerinə gəlib. O, arxın təmizlənməsinə mane olub, həmin arxı yenidən zibillərlə doldurmağa başlayıb. Aynurə özünə məxsus telefonla Rəvanənin bu hərəkətlərini videoya çəkməyə başlayıb. Bundan əsəbiləşən Rəvanə əlindəki ağacla Aynurəyə hücum edərək, onu döyməyə başlayıb.

Hadisə yerinə polis əməkdaşları gəliblər, Rəvanə Abdullayeva saxlanılıb. Faktla bağlı cinayət işi başlanılıb və iş məhkəməyə göndərilib. Məhkəmənin hökmü ilə R.Abdullayeva 260 saat ictimai işlər cəzasına məhkum edilib və ona elektron nəzarət qolbağı tətbiq edilib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

DİN-dən bir gecədə "yoxa çıxarılan" ağacla bağlı AÇIQLAMA

"Kağız gətir - kitab apar" sosial-ekoloji layihəsinə start verildi

Nazir bu müəllimləri təltif edildi - ADLAR

HONOR flaqmanı əlçatan edir: 200 MP kamera və "AI Şəkildən Videoya" funksiyasına sahib 600 seriyası