"Sabah" UEFA Çempionlar Liqasının əsas mərhələsində bu gün üz-üzə gələcəyi Çexiyanın "Slaviya" klubu ilə eyni səviyyəli komandadır.

Bunu "Far.Az"a açıqlamasında "Neftçi" İdman Klubunun akademiya direktoru Xaqani Məmmədov deyib.

Mütəxəssis Azərbaycan təmsilçisinin şanslarını yüksək qiymətləndirib:

"Sabah" bu komanda ilə başabaş oynaya bilər. "Slaviya" hər il Çempionlar Liqasında iştirak edən təcrübəli kollektivdir. Lakin "Sabah" da hazırda ən yaxşı formasındadır. Maraqlı oyun olacaq. Şansları bərabər dəyərləndirərdim. Çünki "Sabah" evdə oynayır və komanda yaxşı vəziyyətdədir. Qələbə də qazana bilər. Oyuna yüksək motivasiya və istəklə çıxsalar, qalib gələcəklərinə inanıram".

Azərbaycan millisinin keçmiş futbolçusu Çexiya təmsilçisinə qarşı oyununu da xatırlayıb:

"2000-ci ildə "Şəmkir"in heyətində "Slaviya"ya qarşı oynamışam. Çexiya futbolunun səviyyəsi hər zaman yüksək olub. Onların oyunçuları yaxşı klublara transfer olunurlar".

Qeyd edək ki, "Sabah" - "Slaviya" görüşü bu gün, saat 20:45-də Bakı Olimpiya Stadionunda start götürəcək.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Prezident İlham Əliyev Əfv Sərəncamı imzalayıb

Konfrans Liqası: "Neftçi" öndə olduğu matçda "Dinamo"ya uduzub - YENİLƏNİB-9

Bakı Olimpiya Stadionunda "Sabah"ın "Slaviya" ilə oyunöncəsi açıq məşqi baş tutub

"Birliyin Gücü - 2026" birgə hərbi təliminin "Yüksək Səviyyəli Müşahidəçi Günü" keçirilir