Bu gün 2,4 milyard işçi həddindən artıq istiyə məruz qalır. Həyatların və bizneslərin məhv olmasını görürük.

"Far.Az" xəbər verir ki, bunu Beynəlxalq Əmək Təşkilatının (BƏT) Avropa və Mərkəzi Asiya üzrə regional direktoru Biit Andres (Beate Andrees) COP29 çərçivəsində “Hər kəsə ədalətli keçid üçün nəzəriyyədən təcrübəyə: regionlararası yüksək səviyyəli cənub-cənub siyasi dialoqu” mövzusunda tədbirdə çıxışı zamanı deyib.

Onun sözlərinə görə, sosial sahə və maliyyələşdirmə arasındakı əlaqə mütləq vacibdir:

"Bu gün effektiv iqlim fəaliyyətinin təcililiyi danılmaz faktdır. İqlim dəyişikliyinin cəmiyyətə və iqtisadiyyata necə təsir etdiyini də görürük. Beləliklə, qarşımızda duran əhəmiyyətli çağırışları dərk edirik. BƏT məlumatları göstərir ki, bu gün 2,4 milyard işçi həddindən artıq istiyə məruz qalır. Milyonlarla insanın iqlimə bağlı təhlükələrdən təsirlənmə riski altında olduğunu bilirik. Bu təhlükələr təkcə işçilərin həyatına və sağlamlığına deyil, həm də sabitliyə və iqtisadi artıma zərbə vurur".

Qurumun regional direktoru qeyd edib ki, "yaşıl" iş yerlərinə, dayanıqlı müəssisələrə sərmayə qoymaqla, dairəvi iqtisadiyyat prinsiplərini təşviq etməklə və daha ədalətli cəmiyyət yaratmaqla ədalətli keçid və daha "yaşıl" gələcək üçün çoxlu imkanlar var: "İnanırıq ki, yaşıl və ədalətli keçidə imkan verən yeni iş yerləri yaradılacaq. Lakin bunun digər iş yerlərinin ləğvinə səbəb olacağını da bilirik".

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3