Azərbaycan millisi Bakıda təşkil olunan U-15 dünya çempionatı və festivalında Haiti yığmasına məğlub olub.

"Far.Az"un məlumatına görə, Famil Xəlilovun baş məşqçi olduğu komanda rəqibinə 0:4 hesabı ilə uduzub.

Xatırladaq ki, U-15 millimiz yer aldığı AF qrupunda daha əvvəl keçirdiyi görüşlərdə Timor-Leste yığmasını 6:0, Andorranı 1:0, İsraili 3:1 hesabı ilə məğlub edib. Komanda Avstraliya millisinə isə məğlub olub - 1:3.

Bununla da yığma qrupunu 9 xalla üçüncü pillədə başa vurub.

Turnirdə dünyanın 189 ölkəsindən FIFA-ya üzv assosiasiyaları təmsil edən komandalar iştirak edirlər. Çempionat çərçivəsində 1000-ə yaxın oyun baş tutacaq.

Oktyabrın 30-da başa çatacaq U-15 dünya çempionatı Hövsan Yarış Kompleksində keçirilir. Turnirin final görüşü Bakı Kristal Zalında gerçəkləşəcək.

Oxşar xəbərlər

FIFA U-15 dünya çempionatı və festivalının açılış mərasimi keçirilib - Yenilənib

U-15 dünya çempionatı: Azərbaycan millisi İsrail yığmasını məğlub edib

FIFA U-15 dünya çempionatı və festivalının açılış mərasimi keçirilir

Bakıda rəsmilərin Hövsan Yarış Kompleksinə səfəri baş tutub

Hövsan Yarış Kompleksi FIFA U-15 dünya çempionatına tam hazırdır