Avstriya Azərbaycan və Ermənistan arasındakı sülh prosesini tam dəstəkləməyə davam edəcək və Bakı ilə ikitərəfli münasibətlərin daha da möhkəmləndirilməsində maraqlıdır.

"Report" xəbər verir ki, bu barədə Avstriyanın Azərbaycandakı səfiri Ettienn Berxtold Avstriyanın Milli Günü münasibətilə keçirilən qəbulda bildirib.

"Biz Azərbaycan və Ermənistan arasında davam edən sülh prosesini böyük ruh yüksəkliyi ilə izləyirik və bunu bundan sonra da tam dəstəkləyəcəyik", - diplomat qeyd edib.

Səfir həmçinin iki ölkə xalqları arasında mədəni əlaqələrin inkişafının vacibliyini vurğulayıb.

"Azərbaycan vətəndaşlarından mədəniyyətimizlə nə dərəcədə yaxşı tanış olduqlarını, artıq Avstriyaya səfər etdiklərini və ya gələcəkdə oraya səfər etməyi planlaşdırdıqlarını eşitmək məni çox sevindirir", - Berxtold bildirib.

Onun sözlərinə görə, AZAL aviaşirkətinin Avstriyaya birbaşa reysləri turizm və mədəni mübadilələrin inkişafına töhfə verir.

"Cari ilin altı ayı ərzində Azərbaycana 2 minə yaxın Avstriya vətəndaşı səfər edib. Bizim məqsədimiz turist axınının artmasına nail olmaqdır ki, hər iki ölkənin xalqları bir-birinin mədəniyyətini daha yaxşı tanıya bilsinlər", - səfir bəyan edib.

Berxtold əlavə edib ki, tərəfdaşlığın daha da möhkəmləndirilməsi, yüksək səviyyəli təmasların inkişafı və yeni Avstriya şirkətlərinin Azərbaycana cəlb olunması onun şəxsi prioritetlərinə daxildir.

Oxşar xəbərlər

Şəkinin turizm xəzinəsi: Tarixi abidələrdən sənətkarlığa qədər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Qış turizm mövsümü öncəsi daxili turizm imkanları nümayiş etdirilib

20 Sentyabr - Neftçilər Günü münasibətilə tədbir keçirilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib