Beynəlxalq Cinayət Məhkəməsi (BCM) Kərim Xanın istefasından sonra yeni prokurorun seçilməsi proseduruna başlayıb.

"Far.Az" xəbər verir ki, bu barədə BCM-in bəyanatında bildirilib.

Məlumata görə, proses Roma Statutunun iştirakçı dövlətlərinin assambleyasının üzvləri ilə məsləhətləşmələrdən sonra başladılıb.

"Bu prosedur vasitəsilə Assambleya BCM prokuroru vəzifəsinə ən yüksək ixtisaslı namizədləri cəlb etməyə çalışır", - deyə assambleya sədri Payvi Kokurantan bildirib.

Ərizələrin qəbulu bu il oktyabrın 31-dən 2027-ci il yanvarın 31-nə dək həyata keçiriləcək. Bu vəzifəyə müstəqil şəkildə namizədliklər irəli sürülə bilər, iştirakçı dövlətlər və ya onların qrupları da ayrı-ayrı şəxslərin adından ərizə verə bilərlər. Yeni prokuror 2027-ci ilin dekabrında seçiləcək.

Xatırladaq ki, iyulun 24-də Kokuranta Nyu-Yorkda Assambleyanın xüsusi sessiyası zamanı bildirmişdi ki, nəzarət orqanı Xanı cinsi qısnamalarla bağlı ittihamlara görə vəzifəsindən kənarlaşdırmaq barədə qərar qəbul edib. Qeyd olunub ki, onun vəzifədən azad edilməsinə BCM-in 125 ölkəsindən 82-si səs verib.

Oxşar xəbərlər

Prezident İlham Əliyevin adından AQEM-in 7-ci Zirvə Görüşünün iştirakçılarının şərəfinə şam yeməyi verilib

Leyla Əliyeva və Arzu Əliyeva Nyu-Yorkda sərgidə iştirak ediblər

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Ceyhun Bayramov Nyu-Yorkda Azərbaycan – ABŞ strateji tərəfdaşlığının önəmindən bəhs edib

Prezident İlham Əliyev, birinci xanım Mehriban Əliyeva və ailə üzvləri "Mənim Abşeronum: Üstə gəl" adlı retrospektiv sərgi ilə tanış olublar