Rusiya Ukraynaya ballistik raketlərlə yeni zərbələr hazırlayır.

"Far.Az" Ukrayna mediasına istinadən xəbər verir ki, bu barədə Ukrayna Prezidenti Volodimir Zelenski axşam müraciətində bildirib.

"Hazırda kəşfiyyatdan Rusiyanın yeni ballistik zərbələrə hazırlaşdığı barədə məlumat var. Bütün bunları vurmaq üçün isə qüvvələr lazımdır. Biz müvafiq qərarlar gözləyirik", - o, qərargah iclasının yekunlarına əsasən bildirib.

Zelenski qeyd edib ki, bu kontekstdə Rusiyaya qarşı hazırkı sanksiya təzyiqi kifayət deyil. O həmçinin əlavə edib ki, Ukraynanı Rusiya ballistic hücumlarından daha səmərəli qorumaq üçün tərəfdaşlardan yeni yardım paketlərinin tədarükünü sürətləndirmək lazımdır.

"Ballistikaya qarşı sanksiya paketləri nə qədər çox ləngiyirsə, Rusiyanın istehsal üçün zəruri olan təchizat sxemlərini işləyib hazırlamağa bir o qədər çox vaxtı olur", - o dəqiqləşdirib.

Ukrayna lideri həmçinin qeyd edib ki, Ukrayna Silahlı Qüvvələri cavab olaraq uzaqmənzilli zərbələri genişləndirməyə və sürətləndirməyə davam edəcək.

Oxşar xəbərlər

Xankəndi bayrama hazırlaşır

Şəhidlər xiyabanına xalq ziyarəti axşam saatlarında da davam edir

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Gəncənin ballistik raket atəşinə tutulması əmrinin Ermənistan rəhbərliyi tərəfindən növbəti dəfə təsdiqlənib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3