Sumqayıt şəhərinin 20-ci və 21-ci mikrorayonlarında yerləşən, taxta konstruksiyalardan inşa edilmiş birmərtəbəli fin evlərin sökülməsi gündəmə gəlib.

Bu barədə sakinlər Far.Az-in "qaynar xətti"nə məlumat veriblər.

Sakinlərin sözlərinə görə, artıq ərazidəki evlər ölçülüb. Bildirilib ki, ölçmə işləri Mənzil-Kommunal Təsərrüfatı (JEK) əməkdaşları tərəfindən aparılıb. Məlumata görə, burada yaşayan sakinlər üçün yeni çoxmərtəbəli yaşayış binalarının tikilməsi və onlara mənzil verilməsi nəzərdə tutulur.

Sakinlər arasında yayılan məlumata əsasən, yeni mənzillər mövcud evlərin sahəsindən 20 kvadratmetr artıq hesablanacaq.

Digər tərəfdən, 20-ci mikrorayonun ərazisinin çinli investorlar tərəfindən satın alındığı və burada "Şanxay" adlı yaşayış kompleksinin inşa ediləcəyi barədə də söhbətlər dolaşır. Lakin bu məlumat hələlik rəsmi təsdiqini tapmayıb.

Qeyd edək ki, 21-ci mikrorayonda yerləşən ərazinin artıq tanınmış şirkəti tərəfindən alındığı bildirilir. Hazırda həmin ərazidə söküntü işləri aparılır.

Sakinlər ərazidə planlaşdırılan dəyişikliklərlə bağlı rəsmi açıqlama verilməsini və köçürülmə şərtlərinin dəqiqləşdirilməsini gözləyirlər.

Ziya SƏCCAD

Qalereya

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyev Zəngilanda inşa olunmuş ilk yaşayış kompleksinin açılışında iştirak edib

Uşaq qidası ilə bağlı yayılan görüntülər təsdiqini tapmayıb - RƏSMİ AÇIQLAMA

Azərbaycanda bir qrup hərbçiyə MƏNZİLLƏR VERİLDİ