İtaliyanın təxminən 6,3 min dövlət məktəbinə onların ərazisinə bomba qoyulması barədə xəbərdarlıq edən elektron məktublar daxil olub.

"Far.Az" İtaliya mediasına istinadən xəbər verir ki, bu barədə ölkənin təhsil naziri Cüzeppe Valditara bildirib.

"Corriere della Sera"nın məlumatına görə, nazir idarənin informasiya xidmətlərinin rəhbərinə bu göndərişin təsir etdiyi təhsil müəssisələrinin dəqiq sayını müəyyənləşdirməyi tapşırıb. Məlumatlara əsasən, hazırda məktublar ölkədəki 7 476 dövlət məktəbindən təxminən 6,3 mininə daxil olub. Kütləvi məktub göndərişi özəl məktəblərə və böyüklər üçün təhsil mərkəzlərinə təsir etməyib.

Qeyd olunur ki, bir sıra məktəblərdə təxliyə həyata keçirilib, lakin bomba ilə bağlı xəbərdarlıqların heç biri təsdiqini tapmayıb.

İtaliyanın Baş naziri Corcia Meloni bildirib ki, aparılan yoxlamalar hələlik real təhlükə əlamətlərini aşkar etməyib. Onun sözlərinə görə, bu hərəkətlər, ehtimal ki, təşviş və narahatlıq yaratmağa yönəlib.

"Hökumət təhsil müəssisələrində partlayış təhdidləri ilə bağlı çoxsaylı mesajları diqqətlə izləyir. Hüquq-mühafizə orqanları və bütün səviyyələrdəki dövlət qurumları vəziyyətin monitorinqi və vətəndaşların, ailələrin və məktəb işçilərinin rahatlığının təmin edilməsi üzərində işləyir. Hazırda aparılan yoxlamalar konkret təhlükənin mövcudluğunu deməyə əsas verən heç bir hal aşkar etməyib", - Meloni sosial şəbəkələrdə yazıb.

16:55

İtaliyada partlayış təhlükəsi barədə eyni mesajları aldıqdan sonra ən azı 300 məktəb təxliyə edilib.

"Far.Az" xəbər verir ki, bu barədə "Reuters" agentliyi İtaliyanın təhsil naziri Cüzeppe Valditaranın bəyanatına istinadən məlumat yayıb.

Onun sözlərinə görə, hər şeydən göründüyü kimi, bu xəbərdarlıqlar yalandır. O əlavə edib ki, bunun təsirinə məruz qalan məktəblərin sayı çox güman ki, artacaq.

Qeyd olunub ki, elektron məktub "Mizoqinistan vilayətinin lideri Mixail Andropov" tərəfindən imzalanıb.

Bu arada, İtaliyanın Baş naziri Corcia Meloni sosial şəbəkələrdə hökumətin məktəblərdə partlayış təhlükəsi barədə çoxsaylı mesajları diqqətlə izlədiyini bildirib.

"Hazırda aparılan araşdırmalar konkret təhlükəyə dair heç bir sübut aşkar etməyib. Mesajlar, ehtimal ki, təşviş və narahatlıq yaratmağa yönəlmiş strategiyanın bir hissəsidir", - deyə baş nazir qeyd edib.

Oxşar xəbərlər

Vilayət Eyvazov polislərə vətəndaşların şikayətlərinin obyektiv və həssaslıqla araşdırılmasını tapşırıb

Məktəblərdə ilk dərs günü həyəcanı - FOTOREPORTAJ

İlham Əliyevin Ciorcia Meloni ilə geniş tərkibdə görüşü olub

II və III ixtisas qrupları üzrə ali məktəblərə qəbul imtahanı keçirilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub