Rusiya humanitar aksiya çərçivəsində Konstantinovkada dərhal minatəmizləmə işlərinə başlamağa hazırdır.

"Report" Rusiya mediasına istinadən xəbər verir ki, bunu Rusiya prezidentinin köməkçisi Yuri Uşakov bildirib.

Onun sözlərinə görə, ABŞ Prezidentinin xüsusi elçiləri Stiv Uitkoff və Cared Kuşner Rusiya Prezidenti Vladimir Putinin Konstantinovkada humanitar missiyanın həyata keçirilməsi ilə bağlı təklifini dəstəkləyiblər.

"Bu yeni humanitar aksiya ilə əlaqədar ABŞ nümayəndələri ilə konkret təmaslara başlamaq barədə razılıq əldə olunub. Dərhal minatəmizləmə işlərinə başlamağa hazırıq", – Uşakov qeyd edib.

O bildirib ki, Rusiya və Ukrayna arasında növbəti əsir mübadiləsinin detalları üzərində də iş aparılır.

"Xüsusilə, Əbu-Dabidə müzakirə olunan növbəti genişmiqyaslı hərbi əsir mübadiləsinin keçirilməsi təşəbbüsü dəstəklənib. Hazırda mübadilənin parametrləri razılaşdırılır", – o əlavə edib.

Uşakov Putinin Moskvada amerikalı nümayəndələrlə görüşünü məzmunlu, konstruktiv və faydalı adlandırıb.

Oxşar xəbərlər

Ürək sağlamlığı diqqət mərkəzində: Səhiyyə Nazirliyindən Suqovuşan və Tərtərdə ikigünlük tibbi aksiya

Yuri Uşakov: Uitkoff və Kuşner yaxın vaxtlarda Moskvaya səfər edəcəklər

Trampın elçilərinin Moskva və Kiyevə səfəri – davam edən müharibə - ŞƏRH

Səhiyyə Nazirliyi Xankəndidə uşaqlar üçün tibbi aksiya keçirdi

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3