EBRD Ermənistanın gömrük və sərhəd buraxılış məntəqələrinin təkmilləşdirilməsinə 19,6 milyon avro ayıracaq
Far.Az xəbər saytı

EBRD Ermənistanın gömrük və sərhəd buraxılış məntəqələrinin təkmilləşdirilməsinə 19,6 milyon avro ayıracaq


Ermənistan hökuməti sərhəd-gömrük buraxılış məntəqələrinin modernləşdirilməsi üçün Avropa Yenidənqurma və İnkişaf Bankından (EBRD) 19,6 milyon avro məbləğində kredit cəlb etməyi planlaşdırır.

"Far.Az" xəbər verir ki, bu barədə Ermənistan mediası məlumat yayıb.

Layihənin əsas məqsədi buraxılış məntəqələrində sərhəd nəzarəti üçün müasir avadanlıqların alınması və quraşdırılmasının maliyyələşdirilməsində, mövcud infrastrukturun modernləşdirilməsində, eləcə də sərhəd və gömrük idarəetməsi sahəsində potensialın inkişaf etdirilməsi üçün yeni gömrük laboratoriyasının yaradılmasında Ermənistana yardım göstərməkdir.

Kredit iki hissədən ibarətdir: Birinci tranş (avadanlıq) 15,6 milyon avro, ikinci tranş (laboratoriya tədqiqatları) 4 milyon avro (bu, ilkin məbləğdir və texniki-iqtisadi əsaslandırmanın nəticələrinə əsasən müəyyən ediləcək) təşkil edir.

Həmçinin texniki yardım üçün 543 min avro məbləğində qrantın cəlb edilməsi planlaşdırılır.

Proqramın həyata keçirilməsi sərhəd nəzarəti imkanlarını yaxşılaşdırmağa, gömrük xidmətlərinin texniki təchizatını modernləşdirməyə və gömrük prosedurlarının səmərəliliyini artırmağa imkan verəcək.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
1 saylı İxtisaslaşdırılmış Poliklinikanın Laboratoriya şöbəsinin açılışı olub
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"
BP-nin dəstəyi ilə Naxçıvanda yeni laboratoriya və emalatxanalar yaradılır

Ən son xəbərləri bizim

"Facebook" səhifəmizdə izləyin

Digər xəbərlər