Ramiz Mehdiyevin qızının vəkilinin işi: "General qohumu" adı ilə 70 min manatlıq hədə-qorxu
Prezident Administrasiyasının sabiq rəhbəri Ramiz Mehdiyevin qızının vəkilinin həbsinin detalları məlum olub.
BAKU.WS Lent.az-a istinadən xəbər verir ki, vəkil Raman Abışov bir neçə gün əvvəl polis tərəfindən saxlanılıb.
Məlumata görə, vətəndaş bir neçə şəxsin əvvəlcədən razılaşaraq ondan müxtəlif vaxtlarda 70 min manat pul tələb edilməsinin qarşısının alınması ilə bağlı polisə müraciət edib.
Hadisənin əsasında bir neçə il əvvəl başlanmış avtomobil alqı-satqı biznes münasibətləri dayanır. Tərəflər arasında yaranmış pul mübahisəsindən sonra zərərçəkmiş şəxs borcunun qaytarılmasını tələb edib. Bundan sonra məsələ daha fərqli müstəviyə keçib.
Pulun alınması üçün vətəndaşa psixoloji təzyiq göstərilməsi, onun həbs ediləcəyi ilə hədələnməsi və hüquq-mühafizə orqanlarında yüksəkvəzifəli şəxslərin bu məsələdə maraqlı olmalarının görüntüsünün yaradılması planlaşdırılıb.
Bu sxemdə adı hallanan şəxslərdən biri Bakı şəhəri 25 saylı Vəkil Bürosunun vəkili olmuş Raman Abışovdur.
O, özünü hüquq-mühafizə orqanlarında rəhbər vəzifəli şəxs kimi təqdim edərək vətəndaşa təzyiq göstərilməsində iştirak edib.
Hətta əldə ediləcək pulun bir hissəsini ona veriblər.
Lakin vətəndaşın polisə müraciətindən sonra məsələnin əsl mahiyyəti üzə çıxıb. Məlum olub ki, özünü hüquq-mühafizə orqanlarında rəhbər vəzifəli şəxs kimi təqdim edən Ramanın belə bir vəzifəsi və səlahiyyəti yoxdur, təqdim olunan şəxs və şəxslər real adamlar deyil. Beləliklə, vətəndaşa göstərilən təzyiqin və yaradılan "vəzifəli şəxs - general qohumu" görüntüsünün saxta olduğu aydınlaşıb.
Onlar əvvəlcə vətəndaşdan 40 min manat, daha sonra isə əlavə 30 min manat tələb edərək hədə-qorxu ilə ələ keçiriblər. Sonradan əlavə pul vəsaitləri tələb edərək onun həbsinə səbəb olacaq motivlərin ləğv olunmasına dair vədlər veriblər.
Diqqətçəkən məqamlardan biri isə Raman Abışovun ictimaiyyətə tanınan hüquqi təmsilçilik fəaliyyəti ilə bağlıdır.
Belə ki, o, Prezident Administrasiyasının sabiq rəhbəri Ramiz Mehdiyevin qızı Kamilə Əliyevanın əmlak məsələləri üzrə vəkili kimi də tanınıb.
Faktla bağlı polis idarəsində başlan cinayət işi çərçivəsində cinayətdə iştirak edən şəxslər saxlanılaraq həbs ediliblər.
Oxşar xəbərlər
WUF13-ün beşinci günündən maraqlı anlar - FOTOREPORTAJ
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Deputat Arzuxan Əlizadənin oğlunun adı hallanan dəhşətli cinayətin yeni təfərrüatı
Ramiz Mehdiyevin dövlət çevrilişi planı necə ifşa olunub? - Cinayət işinin DETALLARI
Ən son xəbərləri bizim
"Facebook" səhifəmizdə izləyin
Digər xəbərlər
-
"Bakcell" gənclər üçün növbəti süni intellekt hakatonunu keçirib
-
"Sədərək" bazarında səssizlik: Alıcıları hara üz tutublar?
-
UEFA Millətlər Liqasında qrup mərhələsinin son oyunları keçirilib
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ Azərbaycana minatəmizləmə işlərində yardım göstərə bilər













