Fransalı aktyor Alen Delon vəfat edib.

Far.Az-nın xəbərinə görə, bu barədə "France-Presse" məlumat yayıb.

Aktyor 88 yaşında Fransada Duşi kommunasındakı evində vəfat edib.

Alen Delon 8 noyabr 1935-ci ildə Fransada anadan olub. Teatr və kino aktyoru, kinorejissor, ssenarist və prodüser olub. Aktyor “Parlaq günəşdə” (1960), “Rokko və qardaşları” (1960), “Leopard” (1963), “Qara lalə” (1964) filmləri ilə böyük şöhrət qazanıb, “Qızıl Qlobus”a layiq görülüb. “Bizim tariximiz” filmində ən yaxşı kişi roluna görə 1984-cü ildə Sezar mükafatı laureatı olub. Xüsusən yaraşıqlı olması ilə də diqqət çəkib.

Aktyorun həyatının son illəri uşaqlarla bağlı müxtəlif qalmaqallar və məhkəmə çəkişmələri ilə kölgədə qalıb. Ailə çəkişmələrinin səbəblərindən biri miras bölgüsü məsələsi olub. Delona yaxın adamlar övladlarının aktyoru öldürməyə cəhddə ittiham ediblər. Aktyorun özü 2022-ci ildə evtanaziya yolu ilə ölmək istədiyini bildirib.

Qeyd edək ki, bu ilin aprelində Fransanın Montarji kommunasının məhkəməsi Alen Delon üçün gücləndirilmiş qəyyumluq rejimi təyin edib. Delonun gəliri və əmlakı qəyyumun öhdəsinə keçdi. Lakin həmin şəxsin adı açıqlanmayıb.

Oxşar xəbərlər

Bu gün maestro Niyazinin doğum günüdür

Ömrü boyu qadınların əhatəsində olan və sonda tək-tənha ölən Alen Delonun mirası kimə qalıb?

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-1

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-2 - FOTO

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-2