Cəlilabad rayonunda əkin sahələrində payızlıq kartofun yığımı yekunlaşıb, bu mövsüm məhsuldarlıq ötən illə müqayisədə yüksəkdir.

Bu barədə "Report"un Muğan bürosuna Cəlilabad Dövlət Aqrar İnkişaf Mərkəzindən məlumat verilib.

Bildirilib ki, bu mövsüm Cəlilabad rayonunda təkrar əkin kimi 767,9 hektar sahədə payızlıq kartof əkilib. Sahələrdən ümumilikdə 13 054,3 ton məhsul əldə olunub. Orta məhsuldarlıq hər hektar üçün 17 ton olub. Ötən mövsüm isə bu rəqəm hər hektar üçün 16 ton təşkil edib.

Həmçinin qeyd olunub ki, yığılan məhsul əsasən paytaxt bazarlarına göndərilib.

Qeyd edək ki, 2024-cü il rayonda 2 900 hektar sahədə yazlıq kartof da əkilib və 81 740 ton məhsul əldə olunub.

Oxşar xəbərlər

Cəlilabadda payızlıq kartofun yığımı başlayıb

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

AİM-in direktoru: "Əkin sahələrinin 10 %-də müasir suvarma sistemləri qurulub"

Azərbaycanda bəzi bitkilər üzrə yalnız məhsul subsidiyası veriləcək

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4