Beynəlxalq reytinq agentliyi “Fitch Ratings” Azərbaycanın xarici valyutada uzunmüddətli emitent defolt reytinqini (IDR) “BBB-” səviyyəsində, stabil proqnozla təsdiqləyib.

“Report” bu barədə “Fitch”ə istinadən xəbər verir.

”Ölkənin reytinqi güclü xarici balansı, dövlət borcunun analoqları ilə müqayisədə aşağı səviyyədə olması və Azərbaycan Dövlət Neft Fondu (ARDNF) vasitəsilə maliyyələşdirmə çevikliyini əks etdirir”, - hesabatda qeyd olunur.

“Fitch”in qiymətləndirməsinə əsasən, Azərbaycanın 2024-cü il üzrə suveren valyuta aktivləri 76 milyard ABŞ dolları (gözlənilən ÜDM-in 102 %-i) təşkil edəcək. Bu aktivlərin 83 %-i ARDNF-də, qalan hissəsi isə Azərbaycan Mərkəzi Bankının ehtiyatlarında cəmləşir.

“Fitch”in məlumatına görə, Azərbaycanın xalis suveren xarici aktivlərinin ÜDM-ə nisbəti 2024-cü ildə 71 % səviyyəsində proqnozlaşdırılır ki, bu da “BBB” və “A” kateqoriyalı suveren emitentlər arasında ən yüksək göstəricilərdən biridir.

Hesabatda qeyd olunur ki, Azərbaycan hökumətinin fiskal siyasəti davamlı suveren xarici aktivlərin qorunmasına, makroiqtisadi sabitliyin təmin edilməsinə və balanssızlıqların qarşısının alınmasına yönələcək. Bundan əlavə, “Fitch” neft qiymətlərindəki volatilliyin təsirlərini idarə etmək üçün ölkənin kifayət qədər siyasi buferlər saxlayacağını gözləyir.

Oxşar xəbərlər

Azərbaycanın kredit reytinqi: ədalətli qiymətləndirmənin vaxtı gəlib?

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycanın maliyyə sektoru 2024-cü ildə - İCMAL

MSCI beynəlxalq reytinq agentliyi SOCAR-a ESG üzrə BBB ilkin reytinqini verib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2