Müstəqillik heç vaxt asan əldə olunmur və xeyirxah niyyətlərlə hədiyyə edilmir.

Bu sözləri “Far.Az”un yerli bürosuna müsahibəsində Gürcüstan parlamentinin Regional Siyasət və Özünüidarə Komitəsinin sədri İrakli Kadaqişvili söyləyib.

"Suverenliyimizin və dövlət müstəqilliyimizin əldə olunmasında həm Gürcüstanda, həm də Azərbaycanda faciəli hadisələr baş versə də, bu çətinliklər xalqlarımızın azadlıq və müstəqillik uğrundakı əzmini dayandıra bilməyib", – o vurğulayıb.

Kadaqişvili bildirib ki, 20 Yanvar şəhidlərinin xatirəsi anılarkən Gürcüstanda 9 Aprel faciəsinin qurbanları da Azərbaycan əsilli vətəndaşlarımız tərəfindən yad edilir:

“1989-cu il aprelin 9-da Tbilisidə və 1990-cı il yanvarın 20-də Bakıda baş vermiş faciələrin qurbanlarının gürcülər və azərbaycanlılar tərəfindən eyni vaxtda anılması xalqlarımız arasında dostluq və həmrəyliyin rəmzi və bariz nümunəsidir. 1989-cu il aprelin 9-da Tbilisidə 21 nəfər gürcü qardaş və bacımız həyatını itirib. Həmin faciə Gürcüstanın müstəqillik mübarizəsinin ağrılı səhifələrindən biridir. Azərbaycanın azadlıq mübarizəsinin tarixi isə 20 Yanvar faciəsi ilə əbədi olaraq yazılıb. 1990-cı il yanvarın 19-dan 20-nə keçən gecə Bakıda sovet ordusunun törətdiyi qırğında Gürcüstandan olan 6 nəfər Azərbaycan əsilli vətəndaşımız şəhid olub. Bu hər iki faciə xalqlarımızın müstəqillik uğrunda nə qədər böyük əzablar çəkdiyini bir daha sübut edir”.

İrakli Kadaqişvili vurğulayıb ki, müstəqillik uğrunda həyatını qurban vermiş qəhrəmanlar həm Gürcüstanın, həm də Azərbaycanın tarixi üçün müqəddəsdir:

“Biz onların xatirəsini hər zaman yaşatmalıyıq. Bu cür faciələr xalqları qorxutmaq üçün törədilsə də, əksinə, xalqlarımızın müstəqillik uğrundakı iradəsini daha da gücləndirib. Bu qəhrəmanlar bizə müstəqillik yolunda sarsılmaz bir nümunədir”.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan ictimaiyyəti Qorbaçovun Nobel Mükafatından məhrum olunmasını istəyir - AÇIQ MƏKTUB

Milli Məclisdə “Parlamentarizm: ənənələr və perspektivlər” mövzusunda Beynəlxalq Parlament Konfransı keçirilib - YENİLƏNİB

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2