Sumqayıt şəhərində xəstəxanada dərmandan zəhərlənərək öldüyü bildirilən şəxsə qoyulan ilkin diaqnoz məlum olub.

“Far.Az”a Sumqayıt şəhər Psixiatriya Xəstəxanasından verilən məlumata görə, Ramiz Pirqulu oğlu Piriyev 2023-cü il sentyabrın 28-dən etibarən, Sumqayıt şəhər Psixiatriya Xəstəxanasında qeydiyyatda olub və müalicə alıb.

O, 2025-ci il yanvarın 13-də "Törədici dəqiqləşdirilməyən pnevmoniya. Eksudativ plevrit" diaqnozu ilə Sumqayıt Şəhər Təcili və Təxirəsalınmaz Tibbi Yardım Xəstəxanasının terapiya şöbəsinə köçürülüb.

Sumqayıtda dərmandan zəhərlənən 58 yaşlı kişi ölüb.

“Far.Az”un yerli bürosu məlumat verir ki, 1966-cı il təvəllüdlü Ramiz Pirqulu oğlu Piriyev Sumqayıt şəhər Ruhi Əsəb Xəstəlikləri Dispanserində qəbul etdiyi dərman həblərindən zəhərlənib.

O, Sumqayıt şəhər Təcili Tibbi Yardım Xəstəxanasına yerləşdirilib.

Aparılan müalicə və müayinələrə baxmayaraq onun həyatını xilas etmək mümkün olmayıb.

Faktla bağlı araşdırma aparılır.

Oxşar xəbərlər

Azərbaycanda qan banklarının siyahısı yenilənib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Uğurlu əməliyyatları ilə Qəbələ sakinlərinə əlac olan Mərkəzi Rayon Xəstəxanasından REPORTAJ

Sumqayıtda üç nəfər dəm qazından zəhərlənib, onlardan biri ölüb - YENİLƏNİB

Ucar Rayon Mərkəzi Xəstəxanasına yeni direktor TƏYİNATI - FOTO