"Rubin"ə keçidim Azərbaycan millisindəki çıxışıma da müsbət təsir göstərəcək.

Bunu "Report"a açıqlamasında Azərbaycanın futbol üzrə qadınlardan ibarət millisinin üzvü Diana Məmmədova deyib.

26 yaşlı yarımmüdafiəçi Rusiya Superliqası təmilçisi "Rubin"ə transferinin təfərrüatlarından danışıb:

"İlk növbədə "Rubin" klubu doğma şəhərim Kazanı təmsil etdiyi üçün buranı seçdim. Hər şey qaydasındadır və demək olar artıq komandaya uyğunlaşmışam. Ümid edirəm ki, bu transfer karyeramda böyük rol oynayacaq. Eyni zamanda "Rubin"ə keçidim Azərbaycan millisindəki çıxışıma da müsbət təsir göstərəcək".

D.Məmmədova sabiq klubu "Yenisey" ilə "Rubin" arasında müəyyən fərqlər olduğunu bildirib:

"Rubin" gənc komandadır və 4 ildir ki, qurulub. "Yenisey" isə 10 ildən artıq fəaliyyət göstərir. Hər iki komanda Rusiya Superliqasının qalibi ola bilməyib. "Yenisey"i özüm üçün doğma hesab edirəm. Orada həm gənclərdən ibarət, həm də əsas komandanın heyətində mübarizə apardım. "Rubin" isə karyeramda irəliyə getməyim üçün mənə xüsusi təkan verəcək".

Qeyd edək ki, D.Məmmədova ötən mövsüm Krasnoyarsk klubunun heyətində 24 oyun keçirib və 1 qol vurub. Daha əvvəl Azərbaycan yığmasının müdafiəçisi Alina Dorofeyeva da "Yenisey"dən "Rubin"ə transfer olunmuşdu.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2