Baltikyanı ölkələr bazar günü elektrik sistemlərinin kontinental Avropa elektrik şəbəkəsi ilə sinxronizasiyasını başa çatdırıblar.

“Far.Az” xəbər verir ki, bu barədə Estoniyanın ERR teleradio yayım şirkəti məlumat yayıb.

“Sinxronizasiya Baltikyanı ölkələrə öz elektrik şəbəkələrini kontinental Avropanın bütün digər ölkələri ilə sıx əməkdaşlıq şəraitində, sabit və etibarlı tezlik nəzarəti ilə idarə etməyə imkan verir ki, bu da regional enerji təhlükəsizliyini əhəmiyyətli dərəcədə artırır”, – yerli enerji şirkəti “Elering”in bəyanatında deyilir.

Bir gün əvvəl Litva, Latviya və Estoniya öz enerji sistemlərini Rusiyanın rəhbərlik etdiyi BRELL (Belarus – Rusiya – Estoniya – Latviya – Litva) elektrik şəbəkəsindən ayıraraq bir gündən çox təcrid olunmuş rejimdə işləyiblər. Bu müddət ərzində Baltikyanı ölkələrin enerji sistemi digər tezlik zonaları ilə əlaqə olmadan fəaliyyət göstərib və elektrik enerjisi istehlakı yerli elektrik stansiyaları, həmçinin Estoniya –Finlandiya və Litva – İsveç birləşmələri vasitəsilə təmin edilib.

Bazar günü Baltik sistem operatorları şəbəkənin sabitliyini təmin etmək üçün gərginlik səviyyələrini yoxlayıb, avtomatik gərginlik tənzimləmə sistemlərinin dəyişikliklərə reaksiyasını test edib və öz elektrik şəbəkələrini kontinental Avropanın tezlik diapazonu ilə sinxronlaşdırmağa başlayıblar.

Latviya, Litva və Estoniya kontinental Avropa şəbəkəsinə qoşulan son Aİ üzv ölkələri olub. Baltik ölkələri “LitPol Link” elektrik ötürmə xətti birləşməsi vasitəsilə kontinental Avropa sinxron zonasına qoşulub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Baltikyanı ölkələr gələn il Rusiya ilə paylaşılan elektrik şəbəkəsindən ayrılacaq