Misli Premyer Liqasında XXIII tura bu gün iki oyunla yekun vurulacaq.

“Report” xəbər verir ki, əvvəlcə “Kəpəz” “Şamaxı”nı qəbul edəcək.

Tovuz şəhər stadionunda keçiriləcək görüş saat 16:00-da başlayacaq. Gəncə klubu 18 xalla 9-cu yerdə qərarlaşıb. Bir pillə yuxarıda olan “Şamaxı”nın isə 20 xalı var.

Turun son matçı “ASCO Arena”da “Səbail”lə “Sabah” arasında baş tutacaq. Saat 19:00-da start götürəcək görüşü Rəşad Əhmədov idarə edəcək. Hazırda 16 xalı olan “Səbail” turnir cədvəlinin sonuncu - 10-cu pilləsində qərarlaşıb. “Sabah” isə 31 xalla beşincidir.

Misli Premyer Liqası

II dövrə, XXIII tur

17 fevral

16:00. “Kəpəz” – “Şamaxı”

Hakimlər: Elçin Məsiyev, Pərvin Talıbov, Asiman Əzizli, Elvin Bayramov.
VAR: Cavid Cəlilov.
AVAR: Kamran Bayramov.
Hakim-inspektor: Ramil Diniyev.
AFFA nümayəndəsi: Eldəniz Musayev.
Tovuz şəhər stadionu

19:00. “Səbail”– “Sabah”

Hakimlər: Rəşad Əhmədov, Eyyub İbrahimov, Teymur Teymurov, Kamran Əliyev.
VAR: Rauf Allahverdiyev.
AVAR: Şirmamed Mamedov.
Hakim-inspektor: Asim Xudiyev.
AFFA nümayəndəsi: Zaur Hacı-Məhərrəmov.
“ASCO Arena”

Qeyd edək ki, turun daha əvvəl keçirilən görüşlərində “Turan Tovuz” “Araz Naxçıvanı”, “Qarabağ” “Neftçi”ni 1:0 hesabı ilə üstələyib. “Sumqayıt” isə evdə “Zirə”yə məğlub olub - 0:3.

Oxşar xəbərlər

Premyer Liqa: “Qarabağ” – “Araz-Naxçıvan” oyununun hakimləri açıqlanıb

Azərbaycan Kuboku: II təsnifat mərhələsinin oyunlarının təyinatları bəlli olub

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Premyer Liqa: “Zirə” – “Neftçi” oyununun hakimləri açıqlanıb

Azərbaycan Premyer Liqası: X turun hakim təyinatları açıqlanıb